Sikourit Dibab evit aozañ votadegoù Miz Mezheven !

                                          KINNIG HOR RAKTRES DRE AR MUNUD

Goude bezañ aozet ur votadeg kentañ e Sant-Widel (44), d’an 30 a viz Du 2014, hag un eil e Langoued (35) ha Soudan (44), d’an 8 a viz C’hwevrer 2015, emañ ar gensavenn DIBAB-DECIDEZ LA BRETAGNE o labourat a-zevri da sevel un trede votadeg, gant ar soñj d’ober kemend-all er muiañ a gumunioù posubl e Breizh a-benn ar bloaz 2016.

8 kumun eus 5 departamant Breizh a voto e miz Mezheven! Mont a ra war-raok! Ruzieg, Nozieg e Liger-Atlantel, Rianteg er Mor-Bihan, Kaveneg en Il-ha-Gwilen,Kommanna hag Ar C’hloastr-Plourin e Penn-ar-Bed a voto d’ar 7 a viz Mezheven. Tud Aweneg-Vihan e bro Gastelbriand a voto d’ar 14. Dre an trede koulzad votadegoù-mañ eo 17000 anezad a c’hello reiñ o soñj diwar-benn an adunaniñ ha krouidigezh Bodadeg Breizh. War-lerc’h bezañ klevet kontañ kaoz diwar-benn adstummañ an tiriad ha dreist-holl kartenn ar rannvroioù, eo anat deomp-ni, stourmerien ha stourmerezed an adunaniñ, ec’h eo stanket ar stourm da vat gant an ensavadurioù. Daoust d’ar manifestadegoù, d’ar sontadegoù, da gomzoù brav ar strollegezhioù, e chom bouzar ha dall ar gouarnamant dirak bolontez ur Vreizh adkavet ganti he femp departamant. Daoust da labour un nebeud dilennidi ne da ket ar stourm war-raok hag e chom diseblant-kaer ar Stad c’hall. Ha padal, petra dalvez stourm an adunaniñ evidomp-ni ? Muioc’h a c’halloudoù gant Breizh, evit bezañ oberiant, war an dachenn ekonomikel, evit difenn an endro, evit broudañ ar justis etre an tiriadoù hag etre an dud.

Forom Kinnig Dibab – Roazhon – 25/10/2014

Adsellit ouzh videoioù forom kinnig Dibab e Roazhon d’ar 25/10/2014 :

Gouzout a ouiomp ervat emañ stanket an hent, ec’h a war wanaat ar fiziañs en demokratelezh, e kav d’an dud n’o deus galloud ebet, se zo kaoz hon eus savet « DIBAB-Décidez la Bretagne ». Aozañ votadegoù keodedel e kumunioù Breizh eo pal hor strollad, ha n’eo liammet ouzh strollad politikel ebet. Daou c’houlenn zo savet ouzh an dud : hini an adunaniñ, hag hini ur Vodadenn evit Breizh ac’h afe ar pemp kuzul-departamant hag ar c’huzul-rannvro d’ober anezhi. Sikour lañsañ votadegoù a reomp-ni  ha krouiñ ostilhoù evit kabaliñ er c’humunioù ma vo graet ar votadegoù, evit broudañ ar geodedourien da vont a-du gant an temoù kinniget.

Votadeg kentañ e St-Widel – 30/11/2014

                                                   Adsellit Reportaj Keleier Frañs 3 – Votadeg St-Widel

E-giz-se e fell da DIBAB mont davet ar boblañs ha reiñ ar gaoz en-dro d’ar geodedourien ha d’ar c’heodedourezed Goulenn ma vo adunanet Breizh ha roet dezhi ur stumm ensavadur nevez ha war un dro profitañ evit kaozeal eus ar gevredigezh a fell deomp evit Breizh en amzer da zont. Un digarez ivez da vroudañ un demokratelezh wir ha da sevel ur c’heñver-nerzh evit kaout Breizh gant Bro Naoned ha gant ensavadurioù galloudus.

Emaomp er mare-mañ oc’h aozañ votadegoù nevez a-benn miz Mezheven e 8 kumun lec’hiet e pemp departamant Breizh!

Gant ar bobl he-unan e vez aozet hag arc’hantaouet ar votadegoù-se. Un toullad mat a votadegoù a rankimp lakaat war-sav evit ma vo tizhet an holl skouarnioù.

N’eo ket diwar netra e c’heller labourat a-youl avat : moullañ an dafar kabaliñ, ar bilhedoù-mouezhiañ, ar skritelloù, ha miret salioù a rankomp ober.

                                Da betra dastum arc’hant ?

Setu rakvudjed votadegoù miz Mezheven :

– Moullañ an disklêriadur a feiz 4 fajennad (25.000 deus outañ) = 1200 euro

– Moullañ skritelloù 40*60sm (400) / 60*80sm (400) = 500 euro

– Moullañ 500 levrig DIBAB = 350 euro

– Moullañ 15.000 bilhed-votiñ = 150 euro

–  Prenañ gitonioù= 200 euro

–  Prenañ goloioù = 100 euro

– Sammad arc’hant evit votadegoù miz Mezheven = 2500 euro

Ma ‘z afemp en tu-hont da 2500 euro e c’hellfemp marteze ober un DVD gant videoioù ar forom-lañsañ, prenañ ur video-banner, ur sono bihan, piv oar,…

Penaos ober evit harpañ Dibab ? Dre hor c’houlzad arc’hantaouiñ war an internet : KISS KISS BANK BANK roit un tamm arc’hant ! Emezelit !

Evit ma vo hon dafar a-live gant hor c’hoant da cheñch penn d’ar vazh e Breizh ! Trugarez evit ho skoazell da zDibab !